Jo-anna Sue Henley Rampas
Jo-anna Sue Henley Rampas nopo nga' mantad id Sabah. Isido nopo nga' songulun sukod wagu id Pogun Sabah i aktif id suang gana politik.
Pisasawaan
simbanaiMiniongoi i Jo-anna Sue Henley Rampas miampai di Dr. Devindran Singh ontok 12 Momuhau 2016 om kitanak yolo do songulun tondu.
Kopooposion
simbanaiNosusu i Jo-anna Sue Henley Rampas hilo id Kampung Poturidong , Kiulu . Tuaran . Sabah. Tanak isido di John Sheraton Henley om i Sulah Wellineh Rampas. Isido nopo nga' tanak kumoiso mantad tolu tulun mogiadi-adi.
Pondidikan
simbanaiNakaanu i Jo-Anna Sue Henley Rampas do pondidikan hilo id SK Pekan Kiulu, SK St Anthony, Penampang om SMK St Michael, Penampang. Soira nopo nakaanu isido kootusan abantug id poniisan Sijil Pelajaran Malaysia, minongoput isido pinsingilaan hilo id Universiti Of London, minimpuun ontok toun 2009 gisom toun 2012. Minaganu isido do jurusan id gana Sarjana Muda Undang - Undang om soira nopongo disido o Sarjana Muda, minongoput kawagu isido do Sarjana Udang - Undang hilo id Universiti Of The West Of England minimpuun ontok toun 2012 gisom 2014.
Kaampayatan Id Gana Ratu Cantik om Muzik
simbanaiOntok 31 Mikat 2007 kopihondot do kolimpupuson Karamayan Tadau Kaamatan Sabah, nakalantoi i Jo-anna Sue Henley Rampas do kumoiso id abaabayan Unduk Ngadau Kaamatan 2007. Nakaramit nogi isido do pamalahawan subsidi sabaagi kolumison sandad id sodop unduk ngadau ontok tadau koiso' kolimpupuson Karamayan Tadau Kaamatan Sabah 2007.
Ontok 28 Mahas 2009, nakalantoi id kumoduo i Jo-anna Sue Henley Rampas Bintang RTM 2009. Nakalantoi nogi isido do Bintang Paling Popular (SMS) om kosolimbahan bobos tosonong. Alapas nakalantoi do kumoduo id Bintang RTM 2009, minonupu isido do piipiro sinding id Boros Dusun om Malayu, ii nopo nga' sinding kiuhu Siou, Koupusan om Belum Relakan.