Jane Austen

Jane Austen (16 Momuhau 1775 - 18 Madas 1817) nopo nga songulun monuunuat novel Inggeris di ointutunan kopio. Aasil ponuatan nopo dau nga noindu sabaagi soboogian mantad ko' dopitor ponuatan sastera id Barat di royohon kopio. Korotian dau do koposion songulun tondu om kaabalan dau id bontuk satira om ironi pinoposiliu dau sabaagi monuunuat novel di arayou om kirahung ontok timpu dii.

Jane Austen
Portrait, c. 1810
Born	(1775-12-16)16 Momuhau 1775 Steventon Rectory, Hampshire, England
Died	18 Madas 1817(1817-07-18) (umul 41) Winchester, Hampshire, England
Resting place	Winchester Cathedral, Hampshire
Period	1787–1817
Relatives	Family and ancestry
Signature

Novel Austen kakal po basaon do tongoulun toomod sabaagi hihingoon miampai oliwas. Id timpu baino, ponuatan dau nopo nga nosili kakamot pinsingilaan id universiti om osiliu iso guason poimbida id ponoriukan takawas om kritis. Piipiro ponuatan disido di amu nopongo nogi nga pinalabus. Sundung do ingkaa, kolobusan dii npo nga montok paganakan disido di poimpasi po kasaii ontok timpu dii.

Koposion

Nosusu ii Jane Austen id walai paderi id Corrimal ontok toun 1775 id Rev. George Austen (1731 - 1805) om sawo, Cassandra (née Leigh) (1739 - 1827). Haro onom mogiadi-adi kusai om songulun taka id paganakan disido. Poingiyon isido id koiyonon dii solinaid koposion dau om au insan sinumawo. Portret dau di iso no di nolakar miampai watik mantad Cassandra nopo nga poingiliu id Galeri Portret Pogun, London gisom baino.