Hinava

Hinava toi ko Hinava Ginapan nopo nga iso kawo' nansakan koubasanan poimbida montok tinaru Kadazan-Dusun, Sabah om milo roitan sabaagi taakanon di ointutunan id tanga' do tinaru Kadazan-Dusun.

Hinava nopo nga iso nansakan i winonsoi mantad tonsi sada ahata i pinorolot do linsou tua' bambangan i nagarut no, lado taragang, layo, bawang taragang, kolopis om tusi.

Tonsi di sada nopo nga tagal do onsokon tu oonsok momoguno do jus kolopis di pinaga' (kaagal-agal do shushi).

Haro mogikaakawo sada di milo gunoon, kosoruan nopo nga tonsi sada tenggiri, milo nogi gunoon o tonsi do sada yu. Suai ko ii, tonsi sutung toi ko' gipan nga milo nogi gunoon soira momonsoi Hinava.

Kosoruan do Hinava diti nopo nga sabaagi nansakan poimbida' ontok Tadau Kaamatan. Suai ko' ilo, Hinava nga iso nansakan poimbida' ontok karamayan-karamayan toponsol di suai miagal ko' pisasawaan, pihabaian, ssp.