Gong Naraka'
Gong Naraka' nopo nga gong luyang winonsoi mantad koubasanan Dong Son di haro id delta Bawang Taragang Vietnam Koibutan. Gong diti winonsoi ontok 600 toun pogulu masihi gisom abad kotolu masihi. Momoguno ponginsamakan mamalanak gundol di natagak no diti (lost wax method), gong diti otutunan do mongimbiri' sajara sabaagi iso poomitanan di tosonong mantad koubasanan kukumaraja gundol. Kiwaa toli guno kapamansayan Gong Naraka' diti ontok timpu dau iri no tu kugunoon montok tugama, sosio-koubasanan om politik. Guno id tugama nopo nga kakamot komunikasi, ababayan om nogi sabaagi gonding. Mantad aspek sosio-koubasanan nopo kifungsi gong diti sabaagi status sosial, kakamot popoindalan ababayan , inus di haro kuasa magik tugama. Kolimpupuson, guno id politik nopo nga sabaagi tanda' koligaganan toi ko' pononsunudan do sangod.
Kalaabo' nopo Gong Naraka' diti kilokou 396 cm pasagi, kalaabo' lingkou tawak 340 cm pasagi, om kikolowoyo' 95 cm pasagi. Kogingoon di poinharo gong diti otutunan sabaagi sakral nopo nga haro gambal kimotif flora om fauna mantad 16 tinan godingan, 54 tinan tombolog, 11 guas daing, om 18 tinan sada'. Mantad soribau gong id rinantai haro 4 arca kibontuk bonong di kolowoyo' nopo dau nga 20 cm om sampapng nopo nga haro 4 tolingo di kiguno' sobogian pongigitan. Id gana pamagabagn haro momiro geometri, miagal nogi boogian tanga' gong di haro garit pola rombituon di mobontuk 16. Gong Naraka maya vertikol winonsoi id sawat ponguludan gakod kibontuk bundar miagal silindo, tinan om lihawa kibontuk okubong.
Tolohing kopio id pomogunan
simbanaiMantad poikonuon Opu Bontobangun Massairang Daeng Mangatta (1895–1936), AA Cense minongoi solowot Gong Nekara (Keteltrom) di Bontobangun
Gong Naraka' taagayo id Asia Tenggara om ii toolohing kopio id pomogunan nopo nga Gong Naraka' id Pulou Selayar. Tumanud kopoilaan mantad komolohingan koubasanan om mongingion Kelurahan Bontobangun (kinoyonon Gong Naraka' nokito), gong di au tinomod do nokito tulun mongingion mantad kampung Rea-rea di kingaran Sabuna ontok toun 1686. Ontok dii ii Sabuna kumaraja id dumo Raja Patabangun id Papaniohea, tigog ii sangkul di Sabuna nokoukad iso ii tokodou iri no momiro bonong di noilaan sabaagi sobogian mantad Gong Naraka'. Kalapas nahaba' Dinasti Putabangun, ontok toun 1760 Gong Naraka' dii pinoundaliu kumaa Bontobangun om nokosiliu Kalompaung/arajang (kakamot keramat) Porinta Bontobangun.
Kaakaka kokomoi koulayon Gong Naraka' id Pulou Selayar mantad 2 kowonuon. Kowonuon kumoiso nopo nga kaakaka Sawerigading di kuminambang ontok timpu Galigo, iso timpu kaahabon tulun dewa di manarampas karalano pomogunan om pola kohuguanan tugama kharismatik. Sawerigading pinowiliu sabaagi luguan tapangkal id kapansayan karalano kouturan om kouludan kumoiso tulun Bugis. Makasar id Sulawesi Kabaatan. Timpu Galigo id noontob nopo nga poindalan tumimpuun ontok abad ko-7 gisom abad ko-10 nga ii Christian Pelra minomowiliu ontok sorili abad ko-12.
Kowonuon koduo nopo nga naskah kooturan lulumayag om pitaranan Ammana Gappa (abad 17) hinonggo Pulou Selayar binoros sabaagi iso mantad piipiro watas kinoyonon do mitaran. Kowilian nopo nga strategik montok lulumayag ii mamanau mongoi kosilahon om kotonobon. Mantad dii Pulou Selarar nokosiliu kakadayan transit montok kaumbayaan lulumayag ontok dii. Id suang naskah dii nogi narait o katayadan sewa montok tulun di lumayag mantad Makassar monogi Aceh, Kedah, Komboja di kigatang 7 rial montok monikid 100 tulun om nung sumakai mantad tionon dii mongoi Selayar, Malaka, Johor, sewa nopo nga 6 rial monikid 100 tulun.
Mantad kowonuan dii, noonuan tokou kointalangan kokomoi paranan Pulou Selayar miampai watas-watas id Nusantara om Asia Tenggara. Ahal di popogaras aagaan do Gong Naraka' nopo nga naanu mantad kontindalan Asia Tenggara ontok timpu koburuan rahung koubasanan China id kinoyonon dii. Tumanud sorita di poinhompit do Gong Naraka' id Pulou Selayar, binoros do ontok Sawerigading miampai koruhang dau (We Cuddai) om koinsanai tolu tanak tondu dau (La Galigo, Tenri Dio, om Tenri Balobo) gumuli mantad pogun China, onton tindalanon mamanau mongoi Luwuk, minumbaya' yolo id Pulau Selayar om tuminilombus mamanau id iso kinoyonon di roitan do Patubangin miampai mogowit iso luang naraka' di agayo. Id tionon dii noindu yolo sabaagi Tumanurung. Ontok timpu dii no Tenri Dio noindu nakosiliu raja kumoiso id Putabangun om popowiliu di yolo do Gong Naraka' di sabaagi kalompoang id Porinta Putabangun.
Mantad sorita dii, milo momonsoi pomolingkuman do Gong Naraka' nopo nga noowit di Sawerigading mantad pogun China. Ii kinomoi do China hiti nopo nga tulun Inco China. Suai ko iri, tulun mogigion monondu do haro duo Gong Naraka' id pomogunan iri no id Pulou Selayar om iso po haro id China di natondu sabaagi sawo. Ahal idi popoinsorou tokou do naraka' di narayou miapid id watas Birma di minaan porsonalifikasi sabaagi piopidan misasawo. Naraka' id sawat haro momiro bonong kikolowoyo' lobi asawat papalambang do kusai om ii au monongmomiro om koyoyoo' di lobi okoro' nopo nga popokito songulun tondu. Mantad dii okito o kopiagalan gatang simbolis mantad pogun tumanud koubasanan luyang lolobi po Gong naraka' id Indonesia om Asia Tenggara.
Pranala Soliwan Wista selayar di www.indotravelers.com https://web.archive.org/web/20180729061900/http://www.arkeologi.web.id/ https://web.archive.org/web/20210226153753/http://selayar.org/ Royal Netherlands Institute of Southeast Asian and Caribbean Studies Refrensi
http://pariwisataselayar.com/id/2011/10/nekara-drum/ pariwisataselayar.com
https://web.archive.org/web/20210228004924/http://www.kerajaannusantara.com/id/news/273-Nekara-dari-Tiongkok-di-Era-Kerajaan-Putabangun kerajaannusantara.com
http://regional.kompasiana.com/2011/09/03/sebuah-gong-dari-perunggu-mirip-gong-nekara-selayar-di-tawarkan-10-m/ kompasiana.com
http://www.kopimaya.com/forum/showthread.php?1411-Kesalahan-Wartawan-%28Indonesia%29-Hari-Ini ,kopimaya.com
https://web.archive.org/web/20120106153919/http://www.aalmarusy.com/2011/04/gong-nekara-aset-wisata-budaya-selayar.html ,www.aalmarusy.com