George Lian

George Lian nopo nga songulun susuminding, monuat sinding om komposer pogun Sabah. Nokowonsoi i George Lian lobi 100 o sinding om sinding nopo di ointutunan nga "Noromuk Lugu Piginawaan", "Romou Pinoturu", "Omis Osili Opoit" om "Bosou Tuhau Lomiding".

Lian ontok 2019

George Lian
Kinosusuon	23hb Jun 1966 Kampung Linsuk Tengilan, Tampaluri, Tuaran, Sabah, Malaysia
Momogun	Malaysia
Toun mimparagat	1979 - dinondo
Works	Romou Pinoturu, Norumuk Lugu Piginawaan, Oomis Nosili Opoit, Nipi Ku Pama

Kointutunan

George Lian nopo nga nosusu ontok di 23 Mahas 1966 id Kampung Linsuk Tenghilan, Tampaluri, Sabah. Nakaampai isio id muzik ontok di toun 1979 miampai pointanud tinimungan muzik tabang disio i Junie Lian id nonggo do nokoponiip nogi i Junie Lian do piipiro album ontok kosolimpunon 1990-an. Ontok nopo di nga i George Lian nopo nga sabaagi mamain do dram.

Sinding "Romou Pinoturu" nopo nga sinding kumoinsan do notiip di George Lian om sinding diti no o pinopoingkakat ngaran disio gisom taang takawas musik lokal pogun Sabah. Sinding diti pinosolimpuun do pounion id rodiu RTM (Rodiu om Televisyen Malaysia) ontok di toun 1989 nga notiip id bontuk do kaset ontok di toun 1993.