Ganja

Ganja (Malay: ݢنجا ejaan lama ݢنج‎)nopo nga iso puun hem iti ointutunan sabaagi Cannabis sativa. Hogot "Ganja" naanu mantad boros sanskrit ii kopogowit do rati pulut mantad puun serabut. Ngaran di nopo nga monuku do roun, piin, wusak om linsou susumuni Kanabis di kiwaa resin om insaru potuhuwon miampai padadangon pogulu gunoon. Ganja asaru okito id wotik totomou toi ko araragang miampai tawau di moningot om milo akanon toi ko siopon (miampai toi ko au miampai do tambakau: sigup). Bagas koonuan do roromu diti opurimanan id 10 minit ahapas. Maya koilaan sandad sosongulun milo kotongong solinaid 2 satanga' jaam toi ko lobi soira kaakan diti ganja.

Kopogonuan do ganja nopo nga tinagal id kogumuan pogun, om kiwaa ogumu kontroversi id saralom pomogunoon roromu diti id suang pongusapan. Ganja kisuang lobi 420 roromu kimia om kaanu manahak do bagas mogisusuai kumaa tulun tumanud individu om situasi. Ahal diti mangantob do ponoriukan bagas ganja di lobi objektif.

Kimia om bagas klinikal

Roromu kimi tapangkal do marijuana nopo nga delta 9-tetrahidrokanibinol (THC). Ganja nogi nga kiwaa ogum kanabinoid, iri no tu sebatian-sebatian kimia ii miagal do THC. THC kiula lilpofilik om ko'opi id lunok tinan. Iti no nokuro tu kogumuan tulun di maganu ganja au kopio okito oo bagas. THC manganu timpu minggu-minggu montok oidu mantad tinan tulun. THC koongkos id reseptor CB1 it orubaan id piipiro boogian tinan tulun. CB1 ogumu id ganglia basal om sistem limbik (tinimungan struktur otak, kaampai no ooamigdala, hipokamus om hipotalamus ii popohompit do aktiviti miagal ko autonomi, emosi, om kowowoyoo), suai mantad orubahan id serebelum, om sistom paganakan do tulun.

Reseptor CB2 orubaahn id zon koundolihan limpa om aiso reseptor CB2 id syang sistem saraf pusat (CNS). Dadi, soira dadah kaanu mongontok do CB2 om pomogunoon do ganja id pongusapan au no di manahak do bagas psikotropik. Aiso reseptor CB it nourbaan id medula, ii no tu boogian tutok di mongontrol do pinuhobo om tundu-undu. Kokurian do reseptor CB id medula nopo nga nokuro tu okuri tulun du apatai sundung pia nadalaan do dos.

Sukuon

↑ Nutt D, King LA, Saulsbury W, Blakemore C (2007). "Development of a rational scale to assess the harm of drugs of potential misuse". Lancet. 369 (9566): 1047–53. doi:10.1016/S0140-6736(07)60464-4. PMID 17382831.{{cite journal}}: CS1 maint: multiple names: authors list (link)

[1] Nutt D, King LA, Saulsbury W, Blakemore C (2007). "Development of a rational scale to assess the harm of drugs of potential misuse". Lancet. 369 (9566): 1047–53. doi:10.1016/S0140-6736(07)60464-4. PMID 17382831.{{cite journal}}: CS1 maint: multiple names: authors list (link)

[1]