Ahmad Ali Karim
Ahmad Ali bin Haji A. Karim (Jawi: احمد علي بن حاج عبدالكريم) nopo nga' songulun monunuat di omulok po id Malaysia, ii insaru momorindak kokomoi landskap politik sonkinoyonon om mibooboros kokomoi ahal-ahal porundangan kokomoi Perlembagaan Malaysia. Di wulan Mahas 2021, soginumu lobi ko' 1.6 riong mamambasa id liwang web disio.
Ahmad Ali Karim | |
|---|---|
 | |
| Kinosusuon | Mansak 13, 2003 |
| Momogun | Malaysia |
| Kalaja | Monunuat |
| Organisation | Muafakat Pendidikan Johor (duta rasmi) |
| Ointutunan montok | Monuat kokomoi kowoowoyoon dinondo id timpu omulok po |
| Molohing | A. Karim Omar (tapa) |
| Paganakan | Wangsa Bendahara |
| Website | ahmadalikarim.com |
Koposion
simbanaiTadon di Ali Karim nopo nga' mantad Kuala Terengganu om tanak kotohuri do songulun pondakwah sonkinoyonon di otutunan kopio, A. Karim Omar. Isio nopo nga' koturunan do Tun Habib Abdul Majid mantad Wangsa Bendahara Joho, om nogi koturunan do Cina Peranakan. [1]
Minsingilo isio sondii id walai miampai tapanai do tina disio[2], om nosukod miampai rahi kumaa gana undang-undang pogun, minokitapanai do Lungkitas Kulliyah Undang-Undang Ahmad Ibrahim id Universiti Islam Antarabangsa Malaysua (UIAM), Prof Madya Dr Shamrahayu A Aziz, om piipiro lundu suai id gana di mionit[2].
Nokotimpuun isio do monuat antakan di toun 2008 id liwang blog disio sondii, ii nokosiliu do platform montok poposoliwan pomusarahan disio.
Antakan di toun 2017, nokotimpuun isio manahak booboros id sikul-sikul id Johor, id suang do pimpanahan pointongkop Johor miampai Jelajah Kemerdekaan di pinaanjul do Muafakat Pendidikan Johor (MPJ) miampai pisokodungan do karajaan negeriri[3].
Noroitan nogi do isio nopo nga' kirahi kumaa inus lukisan digital, om koumbal do kalantoi piboian momolukis ilustrasi di pinaharo do Microsoft[2].
Pakalajaan
simbanaiNokotimpuun i Ali Karim do monuat antakan di 28 Magus 2008 maamaso umul 5 toun id blog disio.[2]. Mantad umul 9 toun, nokotimpuun no isio do manganit do isu-isu kokomoi do politik id Malaysia.
Ponuatan disio nakaanu do porhatian mantad piipiro tulun di otutunan kopio kohompit no Luguan Montiri Malaysia, Mahathir Mohamad, ii minonuat do surat kumaa disio antakan di 11 Milatok 2017[4], minonimbar do ponuatan Ali Karim kokomoi pibatasan do Pakatan Harapan (PH) om Parti Pribumi Bersatu Malaysia (BERSATU) ii amu kopiunung miampai Perlembagaan Malaysia[5]. Nokoumbal nogi Berita Harian minomonsoi do iso liputan poimbida kokomoi dau antakan di 5 Mahas 2018[2].
Monuat isio id duo portal online di pogulu po, Menara.my om Tanjak.my[6], om dondo nopo nga' Duta rasmi montok Muafakat Pondidikan Johor[7].
Antakan di 15 Madas 2019, nopili i Ali Karim sabaagi songulun kolumnis pointatap id portal borita Utusan Online, hinonggo monuat isio kokomoi Porlembagaan Malaysia om Raja-raja Melayu[7], gisom tadauwulan panampanan Utusan di 9 Gumas 2019.
Luputan pulis kumaa Guan Eng
simbanaiAntakan di 23 Milau 2016, maamaso do kiumul 13 toun i Ali Karim, minomonsoi isio do luputan pulis kumaa luguan montiri Pulau Pinang antakan dii, Lim Guan Eng kokomoi konyataan di kiroromu pangansaban kokomoi Rang Undang-undang pindaan Akta 355[8].
Ahal diti nakaanu porhatian mantad ogumu pihak lobi-lobi no puru politik, lobi-lobi no soira nokoboros i Guan Eng sondii do luputan pulis nopo dii nga' remeh om amu kiimpohon[9][10]. Monguguhup Montiri id Jabtan Perdanan Menteri antakan diri, Dato' Dr. Asyraf Wajdi Dusuki minamarayou di Ali Karim om minantamong disio, minooboros do nuru otingayaman daa i Guan Eng tu' lobi karati do Perlembagaan Pogun o sukod wagu kiumul 13 toun.[11][12][13]. Isido nogi nga' nokoimbulai id bolikan pogulu akhbar Utusan Malaysia soira Presiden Pertubuhan Pribumi Perkasa (PERKASA), Dato' Paduka Dr. Ibrahim Ali rinumikot id walai disio montok manahak sokodung kumaa disio[14].
Sukuon
simbanai- ↑ Karim, Ahmad Ali (2019-09-10). "A Tribute to My Chinese Heritage". Ahmad Ali Karim's Weblog (id boros Inggeris British). Linoyog ontok 2020-04-20.
{{cite web}}: CS1 maint: url-status (link) - ↑ 2.0 2.1 2.2 2.3 2.4 https://www.bharian.com.my/berita/politik/2018/06/434544/ahmad-ali-pilih-blog-kupas-isu-politik
- ↑ https://ahmadalikarim.wordpress.com/2017/08/24/bicara-kemerdekaan-smktsmr-my-first-solo-talk/
- ↑ https://ahmadalikarim.wordpress.com/2017/01/13/surat-balas-tun-m-tidak-menjawab-persoalan/
- ↑ https://ahmadalikarim.wordpress.com/2017/01/02/perjanjian-dap-pkr-pan-ppbm-untuk-meminda-perkara-31/
- ↑ https://www.youtube.com/watch?v=OG7mdFPtdqU
- ↑ 7.0 7.1 https://www.utusan.com.my/rencana/utama/undi-18-bersediakah-belia-menggalas-tanggungjawab-mengundi-1.937841 (arkib)
- ↑ "salinan arkib". Pinoopi mantad sand̠ad ontok 2019-08-12. Linoyog ontok 2019-08-12.
- ↑ "salinan arkib". Pinoopi mantad sand̠ad ontok 2019-08-12. Linoyog ontok 2019-08-12.
- ↑ "salinan arkib". Pinoopi mantad sand̠ad ontok 2019-08-12. Linoyog ontok 2019-08-12.
- ↑ https://www.mstar.com.my/lokal/semasa/2017/01/17/asyraf-wajdi-puji-remaja-13-tahun
- ↑ "salinan arkib". Pinoopi mantad sand̠ad ontok 2019-08-12. Linoyog ontok 2019-08-12.
- ↑ "salinan arkib". Pinoopi mantad sand̠ad ontok 2019-08-12. Linoyog ontok 2019-08-12.
- ↑ https://www.utusan.com.my/berita/politik/remaja-13-tahun-buat-laporan-polis-1.432544 (arkib)